A transferencia e recoñecemento de créditos faráse conforme ao previsto no Real decreto 822/2021, do 28 de setembro, polo que se establece a organización das ensinanzas universitarias e do procedemento de aseguramento da súa calidade. Para desenvolvelo, o Consello de Goberno da Universidade de Vigo, na súa sesión do 25 de xuño de 2025, acordou aprobar o Regulamento de recoñecemento e transferencia de créditos académicos nas titulacións oficiais de grao e de mestrado da Universidade de Vigo:
Según o indicado na Normativa de transferencia e recoñecemento de créditos da UVigo, a Comisión Académica do Máster será o órgano encargado de valorar, a petición da persoa interesada, o recoñecemento de créditos cursados noutros plans de estudo, tendo en conta a adecuación entre as competencias e os coñecementos asociados ás materias cursadas polo estudante e os previstos no plan de estudos que se propón, ou ben que teñan carácter transversal. De acordo coa citada normativa, todos os créditos obtidos polo estudante cursando este máster, así como os transferidos, serán incluidos no seu expediente académico e reflexados no Suplemento Europeo ao Título.
O Procedemento de transfererencia e recoñecemento de créditos para másteres universitarios oficias está recollido na Convocatoria de Estudos de Posgrao. A solicitude se dirixirá á Comisión Académica do mestrado nos prazos que nela se recollen, acompañada da documentación acreditativa establecida.
Recoñecemento de experiencia profesional
Por acordo da Comisión interuniversitaria do mestrado, pódese recoñecer a materia de Prácticum por ter un mínimo de seis meses de experiencia profesional acreditada como mestre/a.
Neste caso a documentación acreditativa que se debe acompañar á solicitude será:
- No caso de persoas funcionarias, folla de servizos.
- No caso de persoas con contrato laboral, copia dos contratos e vida laboral.